Ցուցահանդես-մրցույթ Արցախում
“Մայրություն” հասարակական կազմակերպության նախաձեռնությամբ, ԼՂՀ պաշտպանության, մշակույթի եւ երիտասարդության հարցերի, աշխատանքի եւ սոցալական ապահովության նախարարությունների եւ մի շարք այլ գերատեսչությունների հովանավորությամբ այսօր Մշակույթի և երիտասարդության պալատում տեղի ունեցավ «Իմ հոգում արև է ու գարուն» խորագրով հանրապետական ցուցահանդես-մրցույթ:
Ցուցահանդես-մրցույթին մասնակցություն են ունեցել ազատամարտիկներ, Արցախյան ազատամարտի հաշմանդամներ, զինծառայողներ՝ ԼՂՀ բոլոր շրջաններից, թվով՝ 94 մարդ:
Ցուցահանդես-մրցույթին ներկայացված էին կավե աշխատանքներ, գեղանկարչական կտավներ, քանդակներ եւ այլն:
Շուշիի Գյուրջյան կիրառական արվեստի ինստիտուտի ռեկտոր Յուրի Հովհաննիսյանի խոսքերով՝ ցուցահանդեսի նպատակը գեղեցիկի քարոզումն է եւ Արցախի հոգևոր ու մշակութային արժեքների պահպանումն ու զարգացումը:
Ժյուրիի կողմից մրցութային տարբեր անվանակարգերում լավագույնը ճանաչված ստեղծագործությունների հեղինակները միջոցառման աջակիցների կողմից ստացան հուշամեդալներ, պատվոգրեր, դրամական պարգևներ, արժեքավոր նվերներ:
Վերջում գեղարվեստական ծրագրով հանդես եկան ՊԲ «Ասպետ» համույթը, ասմունքողներ, պարային խմբեր