Սփյուռքում ապրող ցանակցած հայ գիտելիք բերող եւ դռներ բացող է. Գեւորգ Թորոսյան
Կամավորական նախաձեռնությամբ Վաշինգթոնից Արցախ է ժամանել տնտեսական խորհրդատու Գեւորգ Թորոսյանը: Այսօր՝ մայիսի 4-ին, նա հանդիպել է Արցախի պետական համալսարանի ուսանողների հետ եւ ներկայացրել «Գլոբալ ազգ-տարածաշրջանային հաբ» Հայաստանի առաջընթաց զարգացման տեսլական թեմայով դասախոսություն:
Գեւորգ Թորոսյանի կարծիքով՝ երկրի զարգացման նպատակով պետք է օգտագործենք հայ ազգի աշխարհով սփռված լինելու հանգամանքը:
«Սփյուռքում ապրող ցանակցած հայ գիտելիք բերող եւ դռներ բացող է: Մենք այնտեղ կարեւոր առաքելություն ունենք. պետք է ծանոթություններ հաստատենք եւ հնարավորություններ ստեղծենք: Ներդրում անենք հայրենիքում, լավ փորձ ունենանք եւ այդ փորձը տարածենք դրսում: Մեր դարում շատ կարեւոր է խոսքի ուժը»,- ասել է Գ.Թորոսյանը:
Պետք է հնարավորինս զարգացնել տնտեսական հարաբերությունները տարածաշրջանի երկրների հետ: Գ.Թորոսյանի համոզմամբ ՝ սա է աշխարհի քարտեզի վրա մեր հստակ տեղը զբաղեցնելու միակ ճանապարհը:
«Տնտեսական քաղաքականության զարգացման համար անհրաժեշտ է զարգացնել մակրոտնտեսական քաղաքականությունը, ինստիտուցիոնալ դաշտը, ենթակառուցքվածքները, արդյունաբերական քաղաքականությունը եւ ձեռնարկությունների մրցակցությունը»,- նշել է նա:
Անդրադառնալով ԵՏՄ-ին Հայաստանի անդամակցությունը Գ.Թորոսյանը նշել է, որ ԵՏՄ-ը զուտ տնտեսական առումով ձեռնտու է Հայաստանին եւ Արցախին:
«Մենք մեր ապրանքը ճանաչված է ռուսական շուկայում դեռ Սովետական Միությունից: Մեզ ոչ ոք Եվրոպայում չի ճանաչում»,- ասել է Գ.Թորոսյանը: