Սկսված է Արցախի համայնքերի ղեկավարների վերապատրաստման երկրորդ փուլը
Սկսվել է ԼՂՀ համայնքների ղեկավարների համար կազմակերպվող սեմինար-դասընթացների երկրորդ փուլը:
Առաջին փուլով 20 համայնքների ղեկավարներ արդեն անցել են այդ դասընթացները եւ ստացել սերտիֆիկատներ:
Այսօր նախագահ Բակո Սահակյանը հանդիպել է Լեռնային Ղարաբաղի Հանրապետության համայնքների ղեկավարների համար մայրաքաղաք Ստեփանակերտում կազմակերպվող երկրորդ սեմինար-դասընթացի մասնակիցների հետ:
Երկրի ղեկավարը կարեւորել է նման դասընթացների անցկացումը եւ ընդգծել, որ սեմինարները դրական ազդեցություն կունենան համայնքների ղեկավարների աշխատանքի եւ հետագա գործունեության կազմակերպման վրա` նոր որակ հաղորդելով նրանց տեսական գիտելիքներին եւ դրանք գործնականում կիրառելու հմտություններին:
Լուսանկարը aparaj.am-ի, առաջին սեմինար-դասընթացից