Մի խումբ ազատամարտիկներ պարգեւատրվել են <<Մարտական ծառայություն>> մեդալով

Նախագահ Բակո Սահակյանը հունվարի 10-ին ստորագրել է հրամանագիր, համաձայն որի` Լեռնային Ղարաբաղի Հանրապետության պաշտպանության համար մղված մարտերում ցուցաբերած անձնական խիզախության համար եւ Հայաստանի Հանրապետության զինված ուժերի 97-րդ առանձին մոտոհրաձգային բրիգադի կազմավորման 20-րդ տարեդարձի կապակցությամբ մի խումբ ազատամարտիկներ պարգեւատրվել են  <<Մարտական ծառայություն>>  մեդալով, հայտնում է նախագահի աշխատակազմի տեղեկատվության գլխավոր վարչությունը: