Մարզահրապարակի բացում Ստեփանակերտի Հին Արմենավան թաղամասում
Արցախի Հանրապետության Նախագահ Բակո Սահակյանը հոկտեմբերի 6-ին մասնակցել է մայրաքաղաք Ստեփանակերտի Հին Արմենավան թաղամասում մարզահրապարակի բացման հանդիսավոր արարողությանը:
Երկրի ղեկավարը կարեւորել է այսպիսի ենթակառուցվածքների առկայությունը մայրաքաղաք Ստեփանակերտում` նշելով, որ դրանք մեծապես նպաստում են ֆիզիկական կուլտուրայի եւ սպորտի զարգացմանը, ինչպես նաեւ առողջ ապրելակերպի քարոզմանը:
Նախագահ Սահակյանը երախտագիտություն է հայտնել Ֆրանսիայի Ազգային ժողովի պատգամավոր Ֆրանսուա Ռոշբլուանին եւ նախագիծը հովանավորած մյուս բարերարներին Արցախին օգնելու համար` նշելով, որ դա բարեկամության վառ դրսեւորումներից է:
Միջոցառմանը մասնակցում էին Հայ Առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, ԱԺ խոսնակ Աշոտ Ղուլյանը, վարչապետ Արա Հարությունյանը, պաշտոնատար այլ անձինք, հյուրեր արտերկրից: