Հռոմի պապը ճանաչել է Հայոց Ցեղասպանությունը
Հռոմի պապ Ֆրանցիսկոսը հանդիպել է Կիլիկիայի Կաթողիկ հայերի հոգեւոր առաջնորդ Ներսես Բեդրոս XIX եւ նրա հետ Հռոմ ժամանած պատվիրակության հետ:
Հանդիպման ընթացքում հյուրերը հայտնել են, որ նրանք Հայոց Ցեղասպանության ժառանգներն են: Հռոմի պապը դրան ի պատասխան ասել է.
«20-րդ դարի առաջին Ցեղասպանությունը հենց հայերինն էր»:
Դեռեւս 7 տարի առաջ, երբ պապը, այն ժամանակ` Խորխե Մարիո Բերգոլիո անունն էր կրում, հայտարարել էր, որ Թուրքիան պետք է ճանաչի Հայոց Ցեղասպանությունը, որ կատարել է հայ ազգի եւ ողջ մարդկության դեմ:
Հարավային Ամերիկայի Հայ Դատի հանձնախմբի նախագահ Ալֆոնսո Տաբակյանը հայտարարությունը համարել է շատ կարևոր, քանի որ Հռոմի պապի խոսքերը կարևոր նշանակություն ունեն յուրաքանչյուր պետության և կրոնի համար: