ՀՅԴ-ն ԱՄՆ-ում ՀՀ դեսպանի հետ քննարկել է Հայաստանի Առաջին հանրապետության 100-ամյակի միջոցառումները
Հունվարի 13-ին ՀՅԴ պատվիրակությունն այցելել է ԱՄՆ-ում ՀՀ դեսպան Գրիգոր Հովհաննիսյանին:
Ըստ Asbarez-ի՝ պատվիրակության կազմում են եղել ՀՅԴ Բյուրոյի անդամ Հակոբ Տեր-Խաչատուրյանն ու ԱՄՆ Արևելյան և Արևմտյան շրջանների Կենտրոնական կոմիտեների ներկայացուցիչներ Ջորջ Աղճայանը, Տարոն Տեր-Խաչատուրյանը, ինչպես նաև Վաշինգտոնի Հայ Դատի գրասենյակի ներկայացուցիչ Արամ Համբարյանը:
Հանդիպման ընթացքում արծարծվել են հատկապես ՀՀ-ԱՄՆ հարաբերություններն ու այս տարի Հայաստանի Առաջին հանրապետության 100-ամյակի միջոցառումները: