ՀՄԸՄ-ի Նավասարդյան խաղերն ու փառատոնը կնվիրվեն Արցախին և նրա հերոսական ժողովրդին
ՀՅԴ զինանշան ՀՅ Դաշնակցության Արցախի Կենտրոնական Կոմիտեի պաշտոնական կայքէջ
Գլխավոր » Երիտասարդական » ՀՄԸՄ-ի Նավասարդյան խաղերն ու փառատոնը կնվիրվեն Արցախին և նրա հերոսական ժողովրդին

ՀՄԸՄ-ի Նավասարդյան խաղերն ու փառատոնը կնվիրվեն Արցախին և նրա հերոսական ժողովրդին

«Ասպարէզ»-ը գրում է.

 

«Ընդառաջելով Հայ Մշակութային Հիմնարկութեան կոչին՝ օգնութեան ձեռք երկարելու Ապրիլ ամսուան Արցախեան քառօրեայ պատերազմի զոհերուն, մասնաւորաբար՝ նահատակուած զինուորներու ընտանիքներուն, ծանր վնասներ կրած քաղաքացիներուն եւ հայրենիքի սահմանները պաշտպանող հայ կտրիճներուն, շրջանիս հայ գաղութը, անհատներ եւ կազմակերպութիւններ կը շարունակեն տենդագին աշխատիլ, անհրաժեշտ նպաստը հասցնելու համար մեր հայրենակիցներուն:

 

Ատրպէյճանի նախայարձակումին հետեւանքով, զինուորականներու ընտանիքներ ու մեծ թիւով քաղաքացիներ տեղահան եղած են ու անոնցմէ շատերը մատնուած խոր սուգի: Արցախի ենթակառոյցները կրած են ծանր վնասներ: Առ այդ, «Արցախի Հետ» ծրագիրը յանձնառու է ու պատրաստ դիմելու անհրաժեշտ բոլոր միջոցներուն՝ օգնութեան հասնելու արցախահայութեան։

 

«Արցախի Հետ, Արցախի Համար» նշանաբանով գործող այս ծրագիրը կը հովանաւորեն Արեւմտեան Միացեալ Նահանգներու Ազգային Առաջնորդարանը, Հայ Յեղափոխական Դաշնակցութիւնը, Հայ Օգնութեան Միութիւնը, ՀՄԸՄը, Համազգայինը եւ Հայ Երիտասարդաց Դաշնակցութիւնը:

 

Ուրախալի երեւոյթ է նաեւ, որ այս տարուան ՀՄԸՄի Նաւասարդեան խաղերն ու փառատօնը նուիրուած են Արցախին ու անոր հերոսական ժողովուրդին: Առ այդ, մեծապէս կը քաջալերենք մեր հայրենակիցները անպայմա՛ն այցելելու «Արցախի Հետ» կրպակը ու իրենց նպաստը բերելու այս սրբազան նպատակին։

 

Ձեր նուիրատուութիւնները կրնաք ուղարկել հետեւեալ ձեւերով.

 

– www.withartsakh.org

 

 (844) HELP NKR or (844) 435 7657

 

– ACF Western USA

 

  With Artsakh

 

  104 N. Belmont St., Suite 300

 

  Glendale, Ca., 91206

 

Հայրենակիցնե՛ր, անհրաժեշտ է գաղութը զօրաշարժի ենթարկել՝ ապահովելու համար Սփիւռքի նիւթական ու բարոյական աջակցութիւնը եւ երաշխաւորելու համար Արցախի գոյատեւումը»:

1