ՀՀ ազգային փոքրամասնությունների այցը Արցախ
Նոյեմբերի 2-ից 4-ը «Հայասա» Երիտասարդական հասարակական կազմակերպության 10 հոգանոց պատվիրակությունը ԼՂՀ նախագահի խորհրդական Գ. Գաբիելյանցի հրավերով այցելել է Արցախ:
Այցի հիմանական նպատակն էր ԼՂՀ երիտասարդական սեկտորի հետ կապերի ամրապնդումն ու համատեղ ծրագրերի քննարկումն ու մշակումը:
<<Հայասա>> երիտասարդական հասարակական կազմակերպության նախագահ Սուրեն Մկրտչյանի խոսքերով` իրենց այցելության ընթացքում <<Հայասա>> կազմակերպությունը, որպես ՀՀ ազգային փոքրամասնությունների երիտասարդներին միակ համախմբող կառույց, հանդես է եկել առաջարկով` տեղի ազգային փոքրամասնությունների երիտասարդների ակտիվությունը բարձրացնելու նպատակով:
Ծրագրի շրջանակներում կազմակերպության անդամները հանդիպումներ են ունեցել ԼՂՀ Ազգային ժողովի նախագահի, նախագահի խորհրդականի, Մշակույթի և երիտասարդության հարցերով նախարարի եւ երիտասարդական կազմակերպությունների ղեկավարների հետ:
Ա. ԱԶԱՏՅԱՆ