Հացի գյուղում կայացել է նոր ջրագծի բացման արարողություն
Հոկտեմբերի 5-ին Մարտունու շրջանի Հացի գյուղում կայացել է Շվեյցարական «Սեդրիկ Մարտեն» հիմնադրամի և Արցախի կառավարության համաֆինանսավորմամբ կառուցված խմելու ջրի խողովակաշարի բացման հանդիսավոր արարողությունը: Գյուղի նոր ջրագծի բացման արարողությանը ներկա էին Արցախի Հանրապետության պետական նախարար Արայիկ Հարությունյանը, ՀՅԴ Արցախի ԿԿ ներկայացուցիչ, տվյալ ընտրատարածքից մեծամասնական ընտրակարգով ընտրված պատգամավոր Դավիթ Իշխանյանը, ծրագրի հովանավորներ, հյուրեր:
Ավելացնենք, որ «Սեդրիկ Մարտեն» հիմնադրամը ստեղծվել է Ժակ և Դանիել Մարտենների կողմից՝ ի հիշատակ նրանց որդու: Հիմնադրամը շուրջ 10 տարում համաֆինանսավորել է Արցախի 12 բնակավայրերի ջրագծերի կառուցման աշխատանքները՝ բարերար Ժակ Մաթոսյանի ակտիվ աջակցությամբ:
