Հանդիպում ՀՅԴ Արցախի ԿԿ գրասենյակում
Փետրվարի 21-ին ՀՅԴ Արցախի ԿԿ գրասենյակում հանդիպում է տեղի ունեցել ՀՅԴ Արցախի Կենտրոնական կոմիտեի քարտուղար Լեռնիկ Հովհաննիսյանի, ԼՂՀ Ազգային Ժողովի <<Դաշնակցություն>> խմբակցության ղեկավար Արմեն Սարգսյանի եւ SILBA <<Աջակցություն ազատության եւ ժողովրդավարության նախաձեռնության համար>> կազմակերպության նախագահ, Դանիայի Թագավորության խորհրդարանի իրավախորհրդատու Ջենս-Քրիստիան Լյութխենի հետ:
1994 թ. ստեղծված կազմակերպությունը դիտորդական առաքելությւոն է իրականացնում Ուրկաիայում, Բելոռուսում, եվրոպական այլ երկրներում, ինչպես նաեւ արդեն մեկ տարի է` Հայաստանում եւ Ադրբեջանում:
Պարոն Լյութխենը հանդիպումեր է ունեցել ԼՂՀ քաղաքական կազմակերպությունների ներկայացուցիչների հետ:
ՀՅԴ ներկայացուցիչների հետ հանդիպման ժամանակ քննարկվել են քաղաքական, ԼՂՀ արտաքին քաղաքականության, ադրբեջանա-ղարաբաղյան հակամարտություն հետ կապված հարցեր:
ՀՅԴ Արցախի ԿԿ քարտուղար Լեռնիկ Հովհաննիսյանը նշեց, որ ԼՂՀ-ում առավել կայացած եւ զարգացած է ժողովրդավարական ինստիտուտը, քան հարեւան Ադրբեջանում:
ԱԺ <<Դաշնակցություն>> խմբակցության ղեկավար Արմեն Սարգսյանը հարցին ի պատասխան ներկայացրեց Արցախյան շարժման նախապատմությունը, եւ ընդգծեց, որ Արցախյան շարժումը կանխեց Ադրբեջանի կողմից սկսված մի նոր ցեղասպանություն:
Դաշնակցական պատգամավորը անդրադարձավ ԼՂՀ միջազգային ճանաչման անհաժեշտությսնը, մատնանշելով, որ , օրինակ, ԼՂՀ քաղաքացի լավ ու ուժեղ սպոտսմենը չի կարողանում մասնակցել միջազգային մրցաշարների իր երկրի չճանաչվածությամբ պայմանավորված:
Ա. Սարգսյանը հավելեց, որ Լեռնային Ղարաղաբը 20-րդ դարասկզբից սկսած Ադրբեջանի բոլոր իշխանությունների համար եղել է սոսկ տարածք, իսկ մեզ համար այն հայրենիք է:
Պարոն Լյութխենը եւս համակարծիք էր, որ խնդրի կարգավորման հիմքում պետք է լինի եւ պաշտպանվի մարդու իրավունքը:
Սեփ. ԼՐԱՏՎՈՒԹՅՈՒՆ