Հանդիպում ՀԱԵ Արցախի թեմի առաջնորդի հետ
Արդեն մի քանի տարի է ՀԱԵ Արցախի թեմը պարբերաբար հանդիպումներ է ունենում Արցախի երիտասարդական կազմակերպությունների հետ, քննարկում երիտասարդական դաշտում առկա խնդիրները, խոսում անելինքերի մասին: Հունվարի 22-ին Ստեփանակերտի նորակառույց առաջնորդարանում կայացավ հերթական հանդիպումը:
Հանդիպմանը ներկա էին ինչպես երիտասարդական կառույցների անդամներ, այնպես էլ ակտիվ երիտասարդներ, ուսանողներ, ինչպես նաև Արցախում նոր հիմնադրված կազմակերպությունների ներկյացուցիչներ:
Արցախի թեմի առաջնորդ Պարգև արքեպիսկոպոս Մարտիրոսյանը ողջունելով երիտասարդներին` խոսեց հասարակության մեջ նրանց դերի, հասարակության զարգացման համար երիտասարդների անելիքների, ինչպես նաև արտաքին և ներքին մարտահրավերներին դիմակայելու մասին:
«Մենք պետք է ձգտենք առաջ տանենք ժողովրդական արժեքները, մենք պետք է պահենք մեր երկիրը, մեր ազատությունը և անկախությունը>> — նշեց Պարգեւ արքեպիսկոպոս Մարտիրոսյանը:
Արցախի թեմի և երիտասարդական կառույցների կապի ամրապնդման և սերտ համագործակցման գործում մեծ դեր ունի Սամվել սարգավագ Մկտչյանը, ով Արցախի թեմին կից երիտասարդական խորհրդի համակարգողն է: « Այս ձևաչափն ընտրվել է հենց երիտասարդական կառույցների կողմից , որպեսզի ամուր գործակցենք և նշենք մեր առաջ ծառացած խնդիրները, գտնենք դրանց լուծումները>> — նշեց սարկավագը: