Կաջակցենք, որ Արցախի գործարարները կարողանան մուտք գործել նոր շուկաներ. Շաբոյան
Կաջակցենք, որպեսզի Արցախի տնտեսվարողները հայ գործարարների հետ համագործակցության արդյունքում կարողանան ավելացնել արտահանման ծավալներն ու նաեւ մուտք գործեն նոր շուկաներ: Այս մասին, օրերս Ստեփանակերտում ԼՂՀ նախագահ Բակո Սահակյանի հետ հանդիպման ժամանակ նշել է ՀՀ Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը:
ՏՄՊՊՀ-ից հայտնում են, որ պաշտոնական այցի ընթացքում քննարկվել են հայկական երկու պետությունների տնտեսության զարգացման նոր հեռանկարներին, մասնավորապես արտադրական ծավալների եւ արտահանման շուկաների ընդլայնմանն առնչվող հարցեր:
Արտակ Շաբոյանը ԼՂՀ նախագահին տեղեկացրել է, որ ՀՀ ՏՄՊՊՀ-ը բավականին լուրջ աշխատանքի արդյունքում վեր է հանել արտահանման ծավալների աճին խոչընդոտող հիմնական խնդիրները եւ կոնկրետ քայլեր է իրականացնում դրանց լուծման ուղղությամբ: ՏՄՊՊՀ նախագահը Բակո Սահակյանին ներկայացրել է ԼՂՀ խոշոր արտադրողների հետ տեղի ունեցած հանդիպման արդյունքները եւ պատրաստակամություն է հայտնել աջակցել, որպեսզի Արցախի տնտեսվարողները հայ գործարարների հետ համագործակցության արդյունքում կարողանան ավելացնել արտահանման ծավալներն ու նաեւ մուտք գործեն նոր շուկաներ:
Բ. Սահակյանը կարեւորել է ՏՄՊՊՀ դերն ու նախաձեռնությունը եւ ընդգծել համագործակցության կարեւորությունն ու անհրաժեշտությունը հայկական երկու պետությունների տնտեսության զարգացման գործում: