«Կահիրեի միջազգային կինոփառատոնի» մեկնարկը տրվել է Հայոց ցեղասպանության զոհերի հիշատակին նվիրված ֆիլմով
Հայոց ցեղասպանության զոհերի հիշատակին նվիրված “The cut” ֆիլմով՝ նախօրեին Կահիրեում մեկնարկել է «Կահիրեի միջազգային կինոփառատոնը»: ֆիլմի ռեժիսորն է Ֆեյվ Աքինը:
Կինոփառատոնը հայտնի է ամբողջ աշխարհում, այն տեղի է ունենում ամեն տարի: Առաջին անգամ անցկացվել է 1976 թվականին եւ առաջինն է եղել, որը նշվել է արաբական աշխարհում: Այս փառատոնը չի անցկացվել միայն 2011 եւ 2012 թվականներին՝ երկրում քաղաքական անկայունության պատճառով:
Ֆիլմը նկարահանված է Հայոց ցեղասպանության փաստերի հիման վրա: Ֆիլմի հերոսը Նազարեթ Մանուկյանն է, ով, Օսմանյան կայսրության կողմից իրականացված հայերի կոտորածի պատճառով, ենթարկվում է բազմաթիվ չարչարանքների եւ հեռացվում իր հարազատ գյուղից: Նա կորցնում է իր ընտանիքը, սակայն իմանում է, որ իր աղջիկները ողջ են եւ սկսում է աշխարհով մեկ փնտրել նրանց: