«Լրագրությունը և բարոյականությունը» թեմայով դասախոսություն ԱրՊՀ-ում
Մայիսի 19-ին ԱրՊՀ-ում հյուրընկալվել էր լրագրող, հասարակական գործիչ Նելլի Ալելովան:
ԱրՊՀ պրոռեկտոր Վալերի Ավանեսյանը ներկայացրել է հյուրին և նշել նրա գործունեության հիմնական ուղղությունները, որոնք առնչվում են հեռուստատեսության, կինոյի և լրագրության հետ:
Դասախոսության թեման էր՝ «Լրագրությունը և բարոյականությունը»: Ն. Ալելովան տեսական ընդհանրացումներ է կատարել լրագրության և բարոյականության վերաբերյալ, ապա աշխատանքային իր գործունեությունից ներկայացրել այնպիսի դրվագներ, որոնց ընթացքում նա առնչվել է լրագրողական բարոյականությանը:
«Առաջին հայացքից թվում է, թե այս երկու հասկացությունների՝ լրագրության ևբարոյականության համադրությունը պարզ է, նույնիսկ՝ պրիմիտիվ: Լրագրողական գործունեության ընթացքում, սակայն, հասկանում ես, որ լրագրողական բարոյականությունն այն չէ միայն, ինչ թվում է: Այստեղ էական են ավելի շատ մանրուքները, քան երևույթները»,-նշել է լրագրողը և հասարակության մեջ բարոյականության տարածման հարցում կարևորել լրատվամիջոցների գործառույթը:
«Յուրաքանչյուր լրագրող պետք է գիտակցի իր կատարած աշխատանքի կարևորությունն ու պատասխանատվությունը, որովհետև նա հասարակական կարծիք է ձևավորում»,-ասել է Ն. Ալելովան:
Այնուհետև բանախոսը պատասխանել է ուսանողների և դասախոսների հարցերին: