ԼՂ կարգավորման հարցով այսօր բանակցություններ չեն ընթանում. Էդվարդ Նալբանդյան
Այսօր ԱԳ նախարար Էդվարդ Նալբանդյանը Հունաստանի ԱԳ նախարար Նիկոս Կոձիասի հետ համատեղ մամուլի ասուլիս է տվել: Հարցին, թե ինչ փուլում են ԼՂ կարգավորման բանակցությունները, ԱԳ նախարար Էդվարդ Նալբանդյանը նշեց, որ այսօր բանակցություններ չեն ընթանում, այն պատճառով, որ շատ լուրջ հարված հասցվեց ապրիլյան ագրեսիայով Ադրբեջանի կողմից Արցախի դեմ:
Ըստ Նալբանդյանի, բանակցային գործընթացը հետ մղվեց` Ադրբեջանի մեղքով: Եվ չնայած դրան, ՄԽ եռանախագահները շարունակում են ջանքեր գործադրել Ադրբեջանին կառուցողական դաշտ տեղափոխելու համար:
«Եռանախագահները այցելել են Բաքու, այս ամսվա վերջին, մարտի 27-ին եռանախագահները կգան Հայաստան, կլինեն Արցախում, և պետք է փորձենք այս գործընթացը շարժել առաջ, բայց նախևառաջ պետք է բացառել այնպիսի գործողություններ, որոնք եղան անցյալ տարվա ապրիլին»,- ասաց Էդվարդ Նալբանդյանը: