Թուրքիայի հայ համայնքի ներկայացուցիչները հրավիրվել են Ստամբուլի նահանգապետարան
ՀՅԴ զինանշան ՀՅ Դաշնակցության Արցախի Կենտրոնական Կոմիտեի պաշտոնական կայքէջ
Գլխավոր » Լրահոս » Թուրքիայի հայ համայնքի ներկայացուցիչները հրավիրվել են Ստամբուլի նահանգապետարան

Թուրքիայի հայ համայնքի ներկայացուցիչները հրավիրվել են Ստամբուլի նահանգապետարան

Թուրքիայի հայ համայնքի հիմնադրամների ղեկավարները հրավիրվել են Ստամբուլի նահանգապետարան խորհրդակցական ժողովի: «Էրմենիհաբեր»-ի փոխանցմամբ, ժողովը տեղի է ունենալու փետրվարի 7-ին: Ներկա է լինելու Թուրքիայի ներքին գործերի նախարար Սյուլեյման Սոյլուն:

Հրավիրվածների թվում է նաև Պոլսի հայոց պատրիարքի ընտրությունները համակարգող Ներկայացուցչական մարմնի ատենապետ, փաստաբան Սեբուհ Ասլանգիլը:

Ժողովի մասին այլ մանրամասներ չեն հաղորդվել: Ենթադրվում է, որ ժողովի ժամանակ քննարկվելու է հայոց պատրիարքի ընտրության գործընթացի ներկա փուլը:

Աղբյուրը հիշեցնում է, որ ներկայացուցչական մարմինը 2017թ օգոստոսին պատրիարքական ընտրությունների անցակցման համար դիմում էր ներկայացել Ներքին գործերի նախարարություն:

Օրենքով սահմանված 120-օրյա ժամկետում պատկան մարմիններից որևէ պատասխան չստանալով՝ Ներկայացուցչական մարմինն իրավունքները վերականգնելու նպատակով անցած շաբաթ նախարարության դեմ դատական հայց էր ներկայացրել:

1