ԵԱՀԿ Մինսկի խմբի համանախագահները կհանդիպեն Հայաստանի և Ադրբեջանի ԱԳՆ ղեկավարների հետ
ԵԱՀԿ Մինսկի խմբի համանախագահները նոյեմբերի կեսերին նախատեսում են հանդիպում անցկացնել Հայաստանի և Ադրբեջանի ԱԳՆ ղեկավարների հետ: Այս մասին հայտարարել է Ադրբեջանի արտգործնախարար Էլմար Մամեդյարովը:
«Հանդիպումը կարող է կայանալ նոյեմբերի կեսերին, այն անհատական կլինի: Հանդիպման նպատակն է բանակցային գործընթացում առաջընթաց գրանցել՝ Հայաստանի և Ադրբեջանի նախագահների հանձնարարականների համաձայն», — ասել է Մամեդյարովը:
Նրա խոսքով՝ ԱԳՆ ղեկավարների և համանախագահների հանդիպման վայրն ու օրը հստակեցվում է: