«Դաշնակցություն» խմբակցության պատգամավորական հանդիպումը Մարտակերտում
Դեկտեմբերի 22-ին Արցախի Հանրապետության Ազգային Ժողովի «Դաշնակցություն» խմբակցության պատգամավորները հանդիպել են Մարտակերտի Վլադիմիր Բալայանի անվան N 1 միջնակարգ դպրոցի ուսուցչական կոլեկտիվի հետ:
Հանդիպման սկզբում ԱՀ ԱԺ պատգամավոր Ռիտա Մնացականյանը ներկայացրեց Իրանի «Թևանիկ» խմբի կրթության ոլորտին առնչվող ծրագրերը:
Պատգամավոր Ալյոշա Գաբրիելյանը խոսեց ԱՀ ԱԺ գործունեության, ընդունված և քննարկման փուլում գտնվող մի շարք օրենքների և օրինագծերի վերաբերյալ խմբակցության դիրքորոշման մասին:
ԱՀ ԱԺ փոխնախագահ Վահրամ Բալայանն անդրադարձել է Արցախի ներքին եւ արտաքին քաղաքականությանը:
Ելույթներից հետո պատգամավորները պատասխանել են ներկաների շուրջ մեկ տասնյակ հարցերի, որոնք հիմնականում վերաբերում էին սոցիալական եւ գյուղատնտեսության ոլորտներին: