Դաշնակցությոն խմբակցությունը դեմ քվեարկեց <<Ընտրական օրենսգրքին>>
Հոկտեմբերի 29-ին ԼՂՀ ԱԺ 24 կողմ 3 դեմ եւ մեկ ձեռնպահ ձայների հարաբերակցությամբ ընդունեց ԼՂՀ <<Ընտրական օրենսգիրքը>>: ԱԺ <<Դաշնակցություն>> խմբակցության ղեկավար Արմեն Սարգսյանը ներկայացնելով խմբակցության դիրքորոշումը նշեց. <<Մենք դանդաղում ենք, ինչպես եւ 2010 թ մենք առաջարկել ենք անցնել պրոֆեսիոնալ խորհրդարանի եւ 5 տարի ուշացել ենք:
Նույնպես դանդաղում ենք, երբ տեսնում ենք, որ աշխարհն անցնում է համամասնական ընտրահամակարգի: Մենք պնդում ենք մեր առաջարկը ամբողջությամբ անցնել 100 տոկոս համամասնական ընտրակարգի: Խորհրդարանական երկու խմբակցություններն ընդունել են 22-11 հարաբերակցությունը: Մենք կարեւորում ենք բոլոր կուսակցությունների շահագրգիռ քննարկումները, որոնք իրոք շահավետ են եղել:
Կարեւորում ենք Կենտրոնական Ընտրական հանձնաժողովի լայնածավալ աշխատանքը, կարեւորում ենք համամասնականի ընտրակարգի հարաբերական տոկոսի բարձրացումը: Միաժամանակ ափսոսում ենք, որ մեր առաջարկը չի անցել, որովհետեւ հինգ տարի հետո դուք գալու եք մեր առաջարկին եւ հինգ տարի ուշացնելու եք այդ զարգացման գործընթացը>>:
Նոր ընդունված օրենսգրքով սահմանված է 22 համամասնական եւ 11 մեծամասնական հարաբերակցություն, որը նախկինում համապատասխանաբար եղել է 16-17: