Արցախում տոնեցին Տրնդեզը
Երեկ Ստեփանակերտում մեծ հանդիսավորությամբ կազմակեպվեց Տրնդեզի տոնը: Միջոցառմանը մասնակցեցին մեծ թվով երիտասարդներ, պատանիներ, ինչպես նաեւ Ստեփանակերտի Իվանյանի անվան զինվորական վարժարանի սաները:
Միջոցառումը կազմակերպել էր Ստեփանակերտի Շառլ Ազնավուրի անվան մշակույթի կենտրոնը, Ս. Հակոբ եկեղեցու հովվապետ Տեր Մինաս քահանայի աջակցությամբ:
Ժամերգությունից հետո, եկեղեցու բակում իսկական տոն էր, որը ուղեկցվում էր ազգային երգ ու պարով:
Ներկաներին հյուրասիրեցին աղանձով, կուրկուտով եւ գաթայով:
Տոնական միջոցառման կազմակերպման համար ֆինանսական աջակցություն են ցուցաբերել «Ստեփանակերտի կոնյակի գործարան»-ի գլխավոր տնօրեն Ռուսլան Իսրայելյանը, «Ղարաբաղ կարպետ» ընկերության տնօրեն Սևակ Խաչատրյանը, ինչպես նաև «Կարս» հանդիսությունների սրահի տնօրեն Սերժիկ Աղաբեկյանը: