Արցախյան հիմնախնդրի լուծումն ունի միայն մեկ ճանապարհ՝ խաղաղ ճանապարհը. Արա Բաբլոյան
ՀՅԴ զինանշան ՀՅ Դաշնակցության Արցախի Կենտրոնական Կոմիտեի պաշտոնական կայքէջ
Գլխավոր » Լրահոս » Արցախյան հիմնախնդրի լուծումն ունի միայն մեկ ճանապարհ՝ խաղաղ ճանապարհը. Արա Բաբլոյան

Արցախյան հիմնախնդրի լուծումն ունի միայն մեկ ճանապարհ՝ խաղաղ ճանապարհը. Արա Բաբլոյան

Շվեյցարիայի Համադաշնության Ազգային խորհրդի նախագահ Դոմինիկ դը Բյումանի հետ ունեցել ենք շատ բովանդակային հանդիպում, որի ընթացքում քննարկել ենք հայ-շվեյցարական միջպետական հարաբերություններին առնչվող հարցեր: Այսօր շվեյցարացի իր գործընկերոջ հետ համատեղ մամուլի ասուլիսի ժամանակ այս մասին հայտարարեց ՀՀ ազգային ժողովի նախագահ Արա Բաբլոյանը:

«Կարևորել ենք խորհրդարանական բարեկամական խմբերի ակտիվ համագործակցությունը: Անդրադարձել ենք նաև միջխորհրդարանական կամզակերպությունների շրջանակներում երկկողմ համագործակցությանը»,- ասաց նա:

Արա Բաբլոյանը հիշեցրեց, որ այս տարվա աշնանը Երևանում տեղի կունենա Ֆրանկոֆոնիայի գագաթաժողովը, և Հայաստանը կստանձնի Ֆրանկոֆոնիայի միջազգային կազմակերպության նախագահությունը: Նրա խոսքով, սա համագործակցության ևս մեկ կարևոր հարթակ է:

«Մենք այսօր խոսեցինք Հայոց ցեղասպանության ճանաչման վերաբերող հարցերի շուրջ: Շվեյցարիայի խորհրդարանը ճանաչել և դատապարտել է Հայոց ցեղասպանությունը, ինչպես նաև քրեական պատասխանատվություն է սահմանել ռասսայական խտրականության և ցեղասպանության ժխտման համար՝ ընդհանրապես:

Հանդիպման ընթացքում անդրադարձել ենք նաև ԼՂ հիմնահարցի կարգավորմանը և ԵԱՀԿ Մինսկի խմբի համանախագահների հովանու ներքո ընթացող բանակցություններին: Հայաստանյան կողմի մոտեցումն այն է, որ ԼՂ հիմնախնդիրը Արցախի ժողովրդի իրավունքների խնդիրն է, և այն կարող է լուծվել միայն մարդու հիմնարար և անօտարելի իրավուքններից մեկի՝ ազատ ինքնորոշման միջոցով: Ամեն դեպքում, հարցի լուծումն ունի միայն մեկ ճանապարհ՝ խաղաղ ճանապարհը»,- ասաց Արա Բաբլոյանը՝ հավելեով, որ հանդիպման ընթացքում խոսել են նաև Հայաստան-ԵՄ համաձայնագրի թեմայի շուրջ:

ԱԺ նախագահը նաև շեշտեց, որ վերջին տարիներին հայ-շվեյցարական տնտեսական հարաբերությունների բավական ակտիվացում է նկատվում:

1