Արթուր Մկրտչյանի հիշատակի օրը
Ապրիլի 14-ին լրանում է Արցախի Գերագույն խորհրդի առաջին նախագահ Արթուր Մկրտչյանի մահվան 25-ամյա տարելիցը: Այդ առիթով ՀՅԴ Արցախի ԿԿ-ի անդամներ, ԱԺ պատգամավորներ, Արթուր Մկրտչյանի կուսակցական ընկերներն ու հարազատները, ինչպես նաև Արցախի քաղաքացիներ ծաղիկներ խոնարհեցին նրա հուշաքարին:
«Ի՞նչ քաղաքական մշակույթ իր հետ բերեց Արթուր Մկրտչյանը»,- այս հարցով դիմեցինք «Դաշնակցություն» խմբակցության ղեկավար Արմեն Սարգսյանին. «Իմ կարծիքով Արթուր Մկրտչյանը փորձեց բարոյականությունը բերել քաղաքականություն և դա շատ բնական ձևով արեց, քանի որ Արցախյան շարժումը բարոյական շարժում էր իր էությամբ»: