Արգենտինահայերը բողոքի ցույց են անցկացրել Արգենտինայում Ադրբեջանի դեսպանության առջև
ՀՅԴ զինանշան ՀՅ Դաշնակցության Արցախի Կենտրոնական Կոմիտեի պաշտոնական կայքէջ
Գլխավոր » Հասարակական » Արգենտինահայերը բողոքի ցույց են անցկացրել Արգենտինայում Ադրբեջանի դեսպանության առջև

Արգենտինահայերը բողոքի ցույց են անցկացրել Արգենտինայում Ադրբեջանի դեսպանության առջև

Արգենտիանահայերը Սումգայիթի, Բաքվի և Կիրովաբադի ջարդերի 29­-րդ տարելիցի կապակցությամբ բողոքի ցույց են անցկացրել Արգենտինայում Ադրբեջանի դեսպանության առջև:

Ինչպես հաղորդում է «Արմենպրես»­ը` վկայակոչելով Prensa Armenia­ն, ցույցին մասնակցել են նաև մեծաթիվ հոմենթմենականներ: «Ադրբեջանի նախագահ Իլհամ Ալիևի ավտորիտար ռեժիմը միլիոնավոր նավթադոլլարներ է ծախսում իր կոռումպացված կառավարության իմիջը մաքրելու համար` միաժամանակ քաղաքացիական բնակչությանը պահելով ծայրահեղ աղքատության մեջ, ճնշելով լրագրողներին ու ընդդիմությանը»,-­ ցույցի ժամանակ նշել է Հարավային Ամերիկայի հայ երիտասարդական ֆեդերացիայի անդամ Բրենդա Քեչիյանը:

Նա ընդգծել է, որ Լեռնային Ղարաբաղի ժողովուրդը չի ենթարկվում ադրբեջանական ճնշումների և արդեն 25 տարի է կառուցում է իր անկախ ժողովրդավարական պետականությունը: «Մենք կոչ ենք անում միջազգային հանրությանը և մասնավորապես Արգենտինայի իշխանություններին ճանաչել Լեռնային Ղարաբաղի Հանրապետությունը որպես ազատ և անկախ պետությունը»,-­ նշել է Քեչիյանը:

Ցույցի ընթացքում հնչել են նաև Ադրբեջանում բանտարկված իսրայելացի բլոգեր Ալեքսանդր Լապշինի ազատման օգտին կոչեր:

1