Անուշ Հայրենիք ճամբարը Մարտունիում
Օգոստոսի12- 22-ը ԼՂՀ Մարտունի քաղաքում 7-16 տարեկան 186 պատանիներ իրենց ամառային հանգիստն են անցկացրել ՀՅԴ Լիբանանի երիտասարդական միության կազմակերպած <Անուշ Հայրենիք> ճամբարում : Արդեն երկրորդ տարին է, ինչ ԼԵՄ-ը <<Անուշ Հայրենիք>> խորագրով ճամբար է կազմակերպում Մարտունի քաղաքում: Այս տարի ճամբարը նվիրված էր Մհեր Ջուլհաջյանի եւ Լիզբոնի- 5 նահատակների հիշատակին: Ճամբարականների առօրյան ընթանում էր ըստ նախապես մշակված օրակարգի՝ դրոշակի արարողություն, դասախոսություններ` հայրենասիրական, դաստիարակչական թեմաներով, ազգային -հեղափոխական երգերի ուսուցում, մարզանք եւ այլն:
Լիբանանից Արցախ են ժամանել 5 երիտասարդներ , ովքեր եւ ՀՅԴ Արցախի երտասարդական միության երիտասարդների հետ կազմակերպել են պատանեկան եւ երիտասարդական ճամբարը:
Ճամբարի պատասխանատու Մարիա Չոքաքլյանը արդեն երրորդ անգամ է Հայրենիքում: Նա խոստովանում է, որ ամեն անգամ Հայրենիք վերադառնալուց հետո ավելի ու ավելի է դժվարանում հետ` Լիբանան վերադառնալը:
<<Մեր ցանկությունը պատանիներին սովորեցնելն է այն, ինչ գիտենք, եւ իհրակե իրենցից էլ շատ բան սովորելն է, Մարտունիում շարունակական կլինի ճամբարերի կազմակերպումը>>,-նշեց Մարիան:
Րաֆֆի Թասլաքյանը ուրախ է, որ իր կյանքի առաջին ճամփորդությունը դեպի Հայաստան է:
<<Ծնվել, մեծացել եմ Անճարում,սակայն միշտ երազել եմ գալ Հայաստան, Արցախ եւ տեսնել Հայրենիքը սեփական աչքերով: Այստեղ մի զարմանալի հանգստություն կա, հոգիդ մի տեսակ խաղաղվում է, ամեն ինչ իմն է , մեծ ցակություն ունեմ հալասարանն ավարտելուց հետո վերադառնալ ու Հայրենիքում ապրել>>,- ասում է Րաֆֆին:
Օգոստոսի 22-ին Մարտունու Մշակույթի պալատում տեղի է ունեցել ճամբարի փակման հանդիսավոր արարողությունը: Երեխաները հանդիսատեսին ցուցադրեցին այն, ինչ սովորել էին ճամբարի 10 օրերի ընթացքում՝ ազգային հեղափոխական երգեր, ագզային, ժողովրդական պար, ասմունք եւ այլն:
ԼՂՀ ԱԺ <<Դաշնակցություն>> խմբակցության ղեկավար Արմեն Սարգսյանը, ով ելույթ ունեցավ ճամբարի փակման արարողությանը , կարեւորեց նման միջոցառումների կազմակերպումը Արցախում:
<<Ընդհամենը 5 երիտասարդ ներ եկան ու կազմակերպեցին այս ճամբարը, կազմակերպչական բավականին բարձր մակարդակ ապահովելով, սա ցույց է տալիս , որ փոքր թվով մարդիկ, ովքեր ընդհանուր նպատակ ու գաղափարախոսություն ունեն, կարող են մեծ գործեր անել: Ուզում եմ շնորհավորել մեզ բոլորիս, որ արդեն երկրորդ տարին է, այստեղ` Մարտունիում, ամրապնդվում է մեր միասնությունը սյուռքահայ ընկերների եւ մեր միջև>>,- իր ելույթում նշել է Արմեն Սարգսյանը:
Արմինե ՆԱՐԻՆՅԱՆ