Ազգային առաջին վիճակախաղը` դեկտեմբերի 28-ին
<<Ապառաժ >> թերթի հարցազրույցը ԼՂՀ փոխվարչապետ Արթուր Աղաբեկյանի հետ
— Պարոն Աղաբեկյան, արդեն մի քանի անգամ հայտարարել եք, որ <<Ազգային առաջին վիճակախաղի>> համար շրջանառության մեջ է դրված 300 000 տոմս: Ընդամենը մի քանի օր է մնացել խաղարկությանը: Կարո՞ղ եք խոսել ընթացքի եւ սպառված տոմսերի մասին:
Կարող եմ ասել, որ այս պահի դրությամբ շրջանառության մեջ դրված 300 000 տոմսից սպառված է համարվում 250 000 տոմս: Վիճակախաղի շահումային ֆոնդը կազմում է 200 մլն դրամ:
Ինչպես ընթացքում նշել էինք Վիճակախաղի խաղակությունը տեղի է ունենալու դեկտեմբերի 28-ին: Խաղարկությունը սկսվելու է ժամը 11:00-ին: Այն ուղիղ եթերով կարող են դիտել nkrlottery.am եւ aparaj.am կայքերով: Մենք այս պահին բանակցություններ ենք վարում տարբեր ԶԼՄ-ների հետ, որպեսզի օրվա լրատվության ժամերին պարբերաբար անդրադառնան խաղարկության ընթացքին:
Խաղարկությունը տեւելու է մոտ վեց ժամ: Միջոցառմանը մասնակցելու են Ստեփանակերտ քաղաքի տարբեր դպրոցներից առաջին դասարանի 72 աշակերտներ:
Վիճակախաղի կազմակերպման հանձնաժողովը կանի ամեն ինչ, որպեսզի խաղարկությունը կայանա դրական եւ տոնական մթնոլորտում:
Հարկ ենք համարում մեկ անգամ եւս հայտարարել, թե ինչ է իրենից ներկայացնում շահումային ֆոնդը`
-մեկ բնակարան Ստեփանակերտ քաղաքում,
— 300 գորգ արցախյան զարդանախշերով` ստեղծված Ղարաբաղ <<Կարպետ>> ՍՊԸ կողմից,
— 5 տուրիստական ուղեգիր Արցախում` <<Զբոսաշրջային պտույտներ Արցախում>> , որը ներառում է 3, 4, 5 եւ 6 օր Արցախում, Երեւան-Ստեփանակերտ-Երեւան ճանապարհածախս, այցելություններ Արցախի պատմաճարտարապետական եւ մշակութային վայրեր:
Ցանկանում ենք եւս մեկ անգամ շնորհակալություն հայտնել բոլոր նրանց, ովքեր աջակցել են այս նախաձեռնությանը, իսկ մենք անպայման կհրապարակենք նրանց անունները:
<<Ապառաժ>>