Ադրբեջանում ներքաղաքական խժդժություններ են
Սեպտեմբերի 26-ին Ադրբեջանում կանցկացվի սահմանադրական բարեփոխումների մասին հանրաքվե. Ադրբեջանի նախագահ Իլհամ Ալիեւը դիմել է Սահմանադրական դատարան՝ նախագահական պաշտոնավարման ժամկետը 5 տարվա փոխարեն 7 տարի ժամկետ սահմանելու մասին: Դա դժգոհությունների ալիք է բարձրացրել, երկրում սրվել է ներքաղաքական իրավիճակը, անց են կացվում միտինգներ, որը գլխավորում է հայտնի ընդդիմադիր, «Ադրբեջանի ժողովրդական ճակատ» կուսակցության առաջնորդ Ալի Քերիմլին:
Սեպտեմբերի 11-ին անցկացված միտինգի մասնակիցները նշում էին հատկապես բազմաթիվ քաղբանտարկյալների, ընդդիմադիր մամուլի հանդեպ անհանդուրժողականության, փախստականների եւ սոցիալական անմխիթար վիճակի մասին: Նրանք պահանջում են, որ ալիեւյան կլանը անհապաղ հեռանա քաղաքական դաշտից: Ալի Քերիմլին միտինգավորներին կոչ էր անում «Ոչ միապետությանը, վերջ թալանին» լոզունգներով քաղաքացիական հասունություն դրսեւորել, էլ ավելի բազմաքանակ հավաքներով ստիպել հաշվի նստել ժողովրդի պահանջների հետ: «Ժողովրդական ճակատի» հերթական հավաքը կկայանա սեպտեմբերի 17-ին «Ոչ կոռուպցիային եւ սահմանադրության մեջ փոփոխություններ մտցնելուց մեր հրաժարվելու մասին արտահայտվելու համար»,-կոչ է անում հայտնի ընդդիմադիրը:
Լիլիա Բաղրյան