Ադրբեջանը փորձել է խափանել զբոսաշրջային ցուցահանդեսում ԼՂՀ մասնակցությանը
Լոդոնում անցկացվող միջազգային զբոսաշրջային ցուցահանդեսին իր աշխատանքներն է շարունակում Լեռնային Ղարաբաղի Հանրապետությունը ներկայացնող տաղավարը:
Լոնդոնյան ցուցահանդեսին արցախցի մասնակիցները տեղեկացնում են, որ տխուր ավանդության համաձայն Ադրբեջանը փորձել է խափանել ցուցահանդեսում ԼՂՀ պատվիրակության մասնակցությունը՝ նոյեմբերի 4-ին կազմակերպելով ցույց Արցախյան տաղավարի դիմաց, որը ինչպես միշտ տապալվել է:
Հիշեցնենք, որ նոյեմբերի 3-ին Լոնդոնում իր աշխատանքները սկսած «World Travel Market-Excell London 2014» ցուցահանդեսը համարվում է այս ոլորտում խոշորագույն իրադարձություններից մեկը:
Լոնդոնից արցախյան պատվիրակությունը հավաստիացնում է, որ արցախյան պատվիրակությունը հաջող քարոզչական աշխատանքներ է իրականացնում՝ բաժանելով մեծ քանակությամբ գրականություն, հյուրերին ներկայացնելով Արցախի զբոսաշրջավայրերը: Իսկ առաջրիկայում նախատեսվում է կազմակերպել ավանդական հյուրասիրություն եւ գինու համտես ցուցահանդես մասնկաիցների համար, որը միտված է ավելի աշխուժացնելու Արցախի տաղավարը: