Հանդիպում Արցախի մի շարք հասարակական կազմակերպությունների հետ

ՀՅԴ Բյուրոյի Երիտասարդական գրասենյակի հրավերով Արցախում գտնվող Սոցիալիստ երիտասարդների միջազգային միության (IUSY) անդամ միջազգային երիտասարդական քաղաքական կազմակերպությունների երիտասարդները սեպտեմբերի 30-ին Արցախի պետական համալսարանի դահլիճում հանդիպել են Արցախում գործող մի շարք հասարակական կազմակերպությունների հետ:

Կազմակերպությունների ներկայացուցիչները ներկայացրել են իրենց գործունեությունն Արցախում, պատասխանել երիտասարդների հարցերին: Երիտասարդ սոցիալիստներին  հետաքրքրում էին  չճանաչված երկրում երիտասարդների իրավունքների պաշտպանության, պատերազմի հետևանքով փախստականի կարգավիճակ ստացածների, ադրբեջանցի երիտասարդների հետ համագործության հնարավորության հարցերը: