«Եվրատեսիլը» 2018 թվականին տեղի կունենա Լիսաբոնում
26.07.2017թ. 11:22:14

«Եվրատեսիլ» երգի միջազգային մրցույթը 2018 թվականին տեղի կունենա Պորտուգալիայի մայրաքաղաքում: Համապատասխան տեղեկատվությունը հուլիսի 25-ին հայտնվել Է մրցույթի պաշտոնական կայքում, տեղեկացնում Է «Արմենպրես»-ը:

Հաղորդագրության համաձայն՝ բացի Լիսաբոնից, հավակնորդ քաղաքներից են եղել նաեւ Գիմարայնշը, Գոնդոմարը, Ֆարուն եւ Սանտա Մարիա դա Ֆեյրան: Նշվում Է, որ սկզբնապես Radio e Televisչo de Portugal (RTP) պետական հեռուստատեսային ընկերությունը հայտարարել Էր միջոցառումը մայրաքաղաքում անցկացնելու մասին, բայց ավելի ուշ որոշվել Էր քննարկել նաեւ այլ տարբերակներ: Այնուամենայնիվ, ընտրվել է սկզբնական տարբերակը:

Մրցույթի կիսաեզրափակիչները տեղի կունենան մայիսի 8-ին եւ 10-ին, իսկ եզրափակիչը կկայանա մայիսի 12-ին:

Պորտուգալիան մրցույթն իր տարածքում անցկացնելու հնարավորությունն ստացավ «Եվրատեսիլ-2017»-ում իր մասնակից Սալվադոր Սոբրալի հաղթանակի շնորհիվ, հաղորդել Է ՏԱՍՍ-ը: