Եզդի ժողովրդի ցեղասպանությունը դատապարտող երթ Արցախում
Երեկ Ստեփանակերտի Մաշտոց փողոցից արցախցի մի խումբ երիտասարդներ մոմերով երթ էին դուրս եկել դեպի Սուրբ Հակոբ եկեղեցի: «Ոչ ցեղասպանություններին» կարգախոսով երթը կոչված էր դատապարտելու Իրաքում եզդի ժողովրդի հանդեպ իրականացվող ցեղասպանությանը:
Սեպտեմբերի 11-ը պատահական չէր ընտրված, 40 օր առաջ՝ օգոստոսի 2-ի 3-ի լույս գիշերը եզդիների նկատմամբ իրականացվեց ցեղասպանություն: Երեկ նմանատիպ երթեր կազմակերպվեցին աշպարհի տարբեր վայրերում:
Օգոստոսից առ այսօր Իրաքի հյուսիսային շրջաններում բնակվող եզդիները ենթարկվում են զանգվածային ջարդերի, այդ շրջանները զավթած «Իսլամական պետություն» ահաբեկչական խմբավորման կողմից, որի արդյունքում հազարավոր եզդիներ սպանվել ու շարունակվում են սպանվել:
Հիշեցնենք, որ ԼՂՀ կառավարությունը իր պատրաստակամությունն է հայտնել ընդունել եզդի փախստականներին եւ նրանց հնարավորության սահմաններում ցուցաբերել մարդիրասիրական օգնություն:
Լուսանկարները՝ www.kavkaz-uzel.ru կայքի