Ադրբեջանական հերթական հիստերիայի պատճառ է դարձել Արցախում Ղարաբաղ կարպետ ընկերության գործնեությունը
Ադրբեջանական մի շարք լրատվամիջոցներ վայնասուն են բարձրացրել Լեռնային Ղարաբաղի Հանրապետությունում Ղարաբաղ Կարպետ ընկերության գործունեության պատճառով:
Համարելով, որ Ղարաբաղյան գորգերը ադրբեջանցիների սեփականությունն են, ադրբեջանական լրատվամիջոցները գրում են, որ Ղարաբաղի «անջատողական ռեժիմը» դիտմամբ է բացել մի քանի արտադրամասեր Ղարաբաղի տարբեր վայրերում, ցանկանալով դիտմամբ սեփականացնել <<ադրբեջանական մշակույթը>>:
Մեր հարեւանները ցավով են տանում Արցախում այս ճյուղի զարգացումը: Նրանք անհարգստացած են, որ Ղարաբաղ կարպետ ընկերությունն Արցախում շուրջ 150 աշխատատեղ է բացել տարբեր շրջաններում, եւ հատկապես շատ <<վրդովված>>, որ <<ադրբեջանական գորգերը աշխարհին ներկայացնում են որպես հայկական գորգեր>>:
Նշենք, որ Ղարաբաղ կարպետ ընկերությունը գործում է 2013 թ. հունիս ամսից մայրաքաղաք Ստեփանակերտում, ինչպես նաեւ գորգագործական արտադրամաս-մասնաճյուղեր ունի Շուշի քաղաքում եւ Մարտունու շրջանի Ճարտար գյուղում: Ինչպես մեզ հետ զրույցում ասաց ընկերությւան տնօրեն Սեւակ Խաչատրյանը` ընկերությունը հաջորդ մասնաճյուղը հիմնելու է Քաշաթաղի շրջանի Բերձոր քաղաքում:
Պատրաստեց` Ա. ՆԱՐԻՆՅԱՆԸ