Պայթյուն Դամասկոսի հայկական թաղամասում կա մեկ զոհ եւ 62 վիրավոր
Ապրիլի 15-ին, առավոտյան ժամը 08.00-ին Դամասկոսի Բաբ-Թումա կոչվող հրապարակի մոտակայքում գտնվող Հայ Կաթողիկե եկեղեցուն պատկանող Մանար դպրոցի վրա հրթիռ է ընկել, որի արդյունքում կա 62 վիրավոր եւ մեկ զոհ:
Պայթյունից մահացել է դպրոցի առաջին դասարանի սան, ազգությամբ արաբ Սնար Մտանյոսը: Տարբեր աստիճանի վնասվածքներ են ստացել ու հիվանդանոց տեղափոխվել դպրոցի սաներ՝ Ռանա Կոմեջյանը, Սիլվա Լոլջյանը, Հակոբ Ֆեզելյանը, Գարո Ամիրյանը և Նարեկ Մարաշելյանը: Վիրավորներից մի քանիսի վիճակը գնահատվում է ծայրահեղ ծանր: