ՄԱԿ-ի գրասենյակի դիմաց ամերիկահայերը հանրահավաք են անցկացնում՝ ընդդեմ Էրդողանի և Ալիևի բռնապետությունների
ԱՄՆ Նյու Յորք քաղաքում հայերն ու ամերիկացիներն հանրահավաք են անցկացնում ՄԱԿ-ի գրասենյակի առաջ, որտեղ ընթանում է միջազգային կառույցի Գլխավոր վեհաժողովի 72-րդ նստաշրջանը:
Այս մասին տեղեկացնում է Ամերիկայի Հայ դատի հանձնախումբը, որը հավաքից տեսանյութ է հրապարակել իր ֆեյսբուքյան էջում: Հանրահավաքի մասնակիցներն իրենց բողոքն են արտահայտում Թուրքիայի և Ադրբեջանի նախագահներ Ռեջեփ Թայիփ Էրդողանի և Իլհամ Ալիևի բռնապետական քաղաքականության դեմ:
Հիշեցնենք, որ նախօրեին ՄԱԿ-ի ԳՎ-ում ելույթով հանդես են եկել կառույցի անդամ երկրների ղեկավարները, այդ թվում և Իսրայելի վարչապետ Բենյամին Նեթանյահուն, ով հայտարարել է, որ Իսրայելն ընդլայնել է համագործակցությունն այնպիսի իսլամական երկրների հետ, ինչպիսիք են Ադրբեջանը և Ղազախստանը:
tert.am