Բ.Սահակյանն ընդունել է Խաչատուր Աբովյանի անվան հայկական պետական մանկավարժական համալսարանի պատվիրակությանը
Արցախի Հանրապետության նախագահ Բակո Սահակյանը հունիսի 20-ին ընդունել է Խաչատուր Աբովյանի անվան հայկական պետական մանկավարժական համալսարանի պատվիրակությանը՝ բուհի ռեկտոր Ռուբեն Միրզախանյանի գլխավորությամբ:
Քննարկվել են Արցախում մանկավարժական կադրերի պատրաստման եւ Հայկական պետական մանկավարժական համալսարանի ու Արցախի պետական համալսարանի փոխգործակցությանն առնչվող մի շարք հարցեր: