Լոս Անջելեսի քաղաքապետարանը մնում է Արցախի կողքին
Հունվարի 19-ին ՀՅ Դաշնակցության անդամ, ԼՂՀ ԱԺ <<Դաշնակցություն>> խմբակցության պատգամավոր Արմեն Սարգսյանը, ՀՅԴ Արեւմտյան կենտրոնական կոմիտեի ներկայացուցիչ Տարոն Տեր-Խաչատրյանի ընկերակցությամբ այցելեց Լոս Անջելեսի քացաքապետարան, ուր ջերմ ընդունելության արժանացավ քաղաքապետարանի խորհրդի անդամ Փոլ Գրիգորյանի կողմից:
Արցախի Շուշի քաղաքի հետ քույր քաղաք հանդիսացող քաղաքի միակ հայազգի ղեկավարը Սարգսյանի և Տեր- Խաչատրյանի հետ զրույցի ընթացքում ներկայացրեց իր անձնական զգացումներն ու հույզերը 2անգամ (2013 և 2016-ին) Արցախ կատարած այցելությունների մասին, մանավանդ, երբ տեղի էր ունեցել ապրիլյան քառօրյա պատերազմից ամնիջապես հետո:
Արցախի անկախությունը, որ Գրիգորյանի վկայությամբ, ճանաչել էր Լոս Անջելեսի վերին ղոկավարությունը, խթան հանդիսացավ Կալիֆոռնիա նահանգի կողմից Արցախի հանրապետության ճանաչման աշխատանքներին:
Փոլ Գրիգորյանը նոր առաջարկություններ փոխանցեց Արցախի հետ համագործակցությունը սերտացնելու ուղղությամբ:Շահեկան զրույցից հետո նա հյուրերին ծանոթացրեց քաղաքապետարանի տարբեր բաժինների հետ: