Ընդունվել է «Գյուղատնտեսական կոոպերատիվների մասին» ԼՂՀ օրենք
Կողմ՝ 26, ձեռնպահ՝ 2, դեմ՝ 0: Նոյեմբերի 30-ին կայացած ԼՂՀ ԱԺ 6-րդ գումարման չորրորդ նստաշրջանի հերթական նիստում առաջին ընթերցմամբ ընդունվեց «Գյուղատնտեսական կոոպերատիվների մասին» ԼՂՀ օրենքի նախագիծը:
Դրական էր նաեւ գլխադասային հանձնաժողովի եզրակացությունը: Օրինագծի համահեղինակներ՝ ԼՂՀ ԱԺ փոխնախագահ Վահրամ Բալայանն ու ԼՂՀ ԱԺ «Դաշնակցություն» խմբակցության պատգամավոր Ալյոշա Գաբրիելյանը մինչեւ օրինագծի 2-րդ ընթերցումը մանրամասն քննարկելու եւ հստակեցնելու են օրինագիծը:
«Գյուղատնտեսական կոոպերատիվներին բնորոշ սկզբունքների արդյունավետ կիրառումն ու օգտագործումը կնպաստի հանրապետության ագրարային ոլորտի խնդիրների լուծմանը, գյուղատնտեսության հետագա զարգացմանը եւ Արցախի իշխանությունների՝ պարենային անվտանգության ապահովման հայեցակարգի իրագործմանը»,- իր ելույթում նշել է Վահրամ Բալայանը:
Նախքան հաջորդ տարվա գլխավոր ֆինանսական փաստաթղթի քննարկումներին անցնելը՝ նիստում քննարկվել են անցած նստաշրջանից մնացած մի շարք նախագծեր եւս:
<<Ապառաժ>>