Շուշիի առանձնակի գումարտակն այս տարի տոնում է կազմավորման 25- ամյակը
1991թ. նոյեմբերի 25 -ին երկու ուղղաթիռով Արցախի Մեծ Թաղլար գյուղ է ժամանում չորս դասակներից կազմված ՀՅԴ վաշտը, որի հիման վրա էլ կազմավորվում է մարտական համընդհանուր միավոր: Շուշիի առանձնակի գումարտակ անվամբ ճանաչված` «77-րդ առանձին մոտոհրաձգային գումարտակն» այս տարի տոնում է կազմավորման 25 տարեկանը:
Տոնական միջոցառումների շրջանակներում գումարտակի ազատամարտիկները եղան Արցախում: Նոյեմբերի 27-ին այցելեցին ԼՂՀ Պաշտպանության բանակի N38043 զորամաս, մասնակցեցին զորամասում կազմակերպված տոնական ծրագրին:
Հիշեցնենք, որ նոյեմբերի 26-ին գումարտակի ազատամարտիկներին նախագահական նստավայրում ընդունել է Արցախի նախագահ Բակո Սահակյանը:
