Եվրախորհրդարանը քվեարկել է ԵՄ-ին Թուրքիայի անդամակցության շուրջ բանակցությունները դադարեցնելու օգտին

Թուրքիայի նախագահը նախօրեին քվեարկության վերաբերյալ հայտարարություն էր արել` ասելով, որ դրա արդյունքները որեւէ նշանակություն չունեն իրենց համար: Նման քվեարկության անցկացման պատճառն այն է, որ Եվրամիության անդամ մի շարք երկրներ հանդես են գալիս բանակցությունների դադարեցման օգտին՝ քննադատելով հուլիսին Թուրքիայում տեղի ունեցած հեղաշրջման փորձից հետո այդ երկրի իշխանությունների վարած բռնատիրական քաղաքականությունը: Ձախողված հեղաշրջումից հետո Թուրքիայում տասնյակ հազարավոր մարդիկ են ձերբակալվել, լրատվամիջոցներ ու տարատեսակ կազմակերպություններ փակվել: