«Արցախի լավագույն կին գործարար» մրցանակ՝ ՀՀ վարչապետի կողմից
Հուլիսի 29-ին Երևանում տեղի է ունեցել ՀՀ վարչապետի կողմից իրականացվող ամենամյա «Լավագույն կին գործարար» մրցանակաբաշխությունը, որին այս տարի առաջին անգամ մաս է կազմել նաեւ «Արցախի լավագույն կին գործարար» մրցանակը: Մրցանակին արժանացել են Ռեգինա Գալոյանը եւ Ազատուհի Սիմոնյանը:
Ազատուհի Սիմոնյանը, ով հանդիսանում է «Հանի ՍՊԸ»-ի հիմնադիրը, Aparaj.am-ի հետ զրույցում նշեց. « Մեծ պատիվ է ինձ համար, որ Հայաստանի Հանրապետության վարչապետի «Լավագույն կին գործարար» մրցանակաբաշխության «Արցախի լավագույն կին գործարար» մրցանակին արժանացողներից մեկն եմ: Գնահատելի է, որ Հայաստանում նման ուշադրության է արժանանում Արցախում տնտեսական գործունեություն ծավալող «ՀԱՆԻ ՍՊԸ»-ն: Նշեմ, որ «ՀԱՆԻ ՍՊԸ»-ն իրականացնում է սոցիալական ուղղվածության ծրագիր՝ նպաստելով արցախցի մեղվապահների ու տնային տնտեսուհիների պատրաստած ու մշակած բարիքների սպառմանը և տարածմանը: Մենք մեր գործունեության մեկ տարվա ընթացքում արդեն համագործակցել ենք շուրջ 30 ընտանիքների հետ: Ուրախալի է, որ Հայաստանում գնահատվում է մեր գործունեությունը: Սա նաեւ պարտավորեցնող է» :