ՀՀ եւ ԼՂՀ Աժ նախագահները հանդես են եկել մամլո ասուլիսով
Փետրվարի 11-ին ԼՂՀ Ազգային ժողովի նախագահ Աշոտ Ղուլյանն ընդունել է ՀՀ ԱԺ նախագահ Գալուստ Սահակյանին եւ նրա գլխավորած պատվիրակությանը:
Այնուհետեւ ԼՂՀ ԱԺ փոքր դահլիճում տեղի է ունեցել երկու խորհրդարանների ղեկավարների համատեղ մամլո ասուլիս:
ՀՀ եւ ԼՂՀ խորհրդարանների ղեկավարները կարևոր են օրենսդիր մարմինների միջեւ առկա համագործակցությունը եւ այդ համագործակցության սերտացմանն ուղղված հետագա քայլերը, նոր գործիքների ու ձեւաչափերի կիրառման անհրաժեշտությունը:
Լրագրողի հարցին, թե արդյոք հանդիպումների ընթացքում քննարկվե՞լ են Արցախում սահմանադրական փոփոխություններ կատարելու հարցը, Գալուստ Սահակյանը պատասխանել է, որ նման քննարկում չի եղել եւ լինելու դեպքում՝ պատրաստ կլինեն մասնկացելու քննարկումներին:
ԼՂՀ ԱԺ նախագահ Աշոտ Ղուլյանը նշել է, որ սահմանադրական փոփոխությունները երկու հանրապետություններում ինքնուրույն քաղաքական գործընթացներ են, խորհրդատվությունների ձեւով Արցախում եւս սկսվել են քննարկումները, սակայն հանդիպմանը նման հարց չի քննարկվել:
Անդրադառնալով ԵԽԽՎ-ում Սարսանգի ջրամբարի մասին ընդունված բանաձեւին՝ Գալուստ Սահակյանը նշել է, որ պլանավորվում է նոր բանաձեւի նախագիծ մշակել, որը կհակադարձի այդ հակահայկական զեկույցին եւ կարտացոլի Արցախի վերաբերյալ իրականությունը: