«Դաշնակցություն» խմբակցության պատգամավորները հանդիպել են Բերձորի բնակիչների հետ
Փետրվարի 10-ին ԼՂՀ 6-րդ գումարման ԱԺ ընտրություններում թիվ 10 ընտրատարածքում մեծամասնական ընտրակարգով ընտրված ՀՅԴ պատգամավոր Լեռնիկ Հովհաննիսյանը եւ <<Դաշնակցություն>> խմբակցության պատգամավոր Գեորգի Պետրոսյանը հանդիպում են ունեցել ԼՂՀ Բերձոր քաղաքի շրջանային հիվանդանոցի բուժանձնակազմի հետ:
Լեռնիկ Հովհաննիսյանը հիվանդանոցի բուժանձնակազմին ներկայացրել է ԼՂՀ 6-րդ գումարման Ազգային ժողովի, գլխավորապես՝ <<Դաշնակցություն>> խմբակցության կատարած աշխատանքները եւ առաջիկա անելիքները:
Այնուհետեւ բուժհաստատության աշխատակիցները հանդես են եկել իրենց մտահոգող հարցերով ու խնդիրներով: Մասնավորապես զրույցը ծավալվել է բժիշկների սոցիալական խնդիրների, Բերձորի հիվանդանոցի շինարարական հարցերի, բուժսարքավորումների պակասի եւ առկա մի շարք այլ խնդիրների շուրջ: