Մինսկի խմբի համանախագահները ԼՂ հարցով հանդիպումներ կունենան ՄԱԿ-ում
ԵԱՀԿ Մինսկի խմբի ամերիկացի համանախագահ Ուորլիքը «Թվիթեր»-ի իր միկրոբլոգում գրառում է կատարել, ըստ որի՝ ԵԱՀԿ Մինսկի խմբի համանախագահներ Ջեյմս Ուորլիքը (ԱՄՆ), Իգոր Պոպովը (Ռուսաստան) և Պիեր Անդրյուն (Ֆրանսիա) Լեռնային Ղարաբաղի խաղաղ կարգավորման հարցով Նյու Յորքի ՄԱԿ-ի գրասենյակում և Վաշինգտոնում ծրագրում են հանդիպումներ:
«Համանախագահները զեկույցով հանդես են եկել ԵԱՀԿ Մշտական խորհրդում և Մինսկի խմբում: Նախատեսում ենք Լեռնային Ղարաբաղի հակամարտության խաղաղ կարգավորման վերաբերյալ ՄԱԿ-ի Նյու Յորքի գրասենյակում և Վաշինգտոնում խորհրդատվություններ ունենալ »,- նշել է Ուորլիքը: