ՀՅԴ ԱԵՄ-ը մասնակցել է Արցախյան գինու փառատոնին
Հադրութի շրջանի Տող գյուղում կայացած Գինու փառատոնին իր մասնակցությունն է ցուցաբերել նաեւ ՀՅԴ Արցախի երիտասարդական միությունը:
Մինչ փառատոնի մեկնարկը ՀՅԴ Արցախի երիտասարդական միությունը ՀՅԴ ԿԿ ներկայացուցիչ, ԼՂՀ ԱԺ «Դաշնակցություն» խմբակցության ղեկավար Դավիթ Իշխանյանի, ՀՅԴ Արցախի ԿԿ անդամ, ԼՂՀ ԱԺ փոխնախագահ Վահրամ Բալայանի և ԼՂՀ ԱԺ «Դաշնակցություն» խմբակցության անդամ Լեռնիկ Հովհաննիսյանի գլխավորությամբ այցելել եւ ծաղիկներ են խոնարհել Արցախյան պատերազմում անմահացած դաշնակցական հրամանատարների՝ Արմենչոյի / Արմեն Գասպարյան/ եւ Վիգենի /Վիգեն Գրիգորյան/ շիրիմներին:
ՀՅԴ Արցախի երիտասարդական միության տաղավարում ներկացվել էր Արցախյան գինի, ժենգյալով հաց, <<Ղարաբաղ Կարպետ>> ընկերության հուշագորգեր, Արցախյան բերք ու բարիք:
ՀՅԴ ԱԵՄ-ի անդամ Տաթևիկ Աղաջանյանի խոսքերով՝ նախատեսվածից ավելի շատ ապրանք են կարողացել վաճառել: Իսկ փառատոնից ստացված գումարն ուղղվելու է ՀՅԴ Արցախի պատանեկան միության առաջիկա աշխատանքների կազմակերպմանը:
