ԱՄՆ Հայ Դատի պատվիրակությունը հանդիպում է ունեցել ՀՀ նախագահի հետ
Հայ Յեղափոխական Դաշնակցության ԱՄՆ Հայ Դատի պատվիրակությունը հանդիպում է ունեցել ՀՀ նախագահ Սերժ Սարգսյանի հետ, նրա՝ սեպտեմբեր 30-ին Վաշինգտոն այցելության ընթացքում:
Պատվիրակության կազմում էին ՀՅԴ Բյուրոյի անդամ Հակոբ Տեր Խաչատուրյանը, ՀՅԴ Արեւելյան շրջանի Կենտրոնական Կոմիտեի անդամ Հովսեփ Ավագյանը, ԱՄՆի Հայ Դատի հանձնախմբի նախկին ատենապետ Կարո Արմենյանը, ԱՄՆ-ի Հայ Դատի հանձնախբի ատենապետ Քեն Հաչիկյանը եւ ԱՄՆի Հայ Դատի հանձնախմբի գրասենեակի գործադիր տնօրեն Արամ Համբարյանը:
Հանդիպման ընթացքին արծարծվեցին համազգային խնդիրներ՝ ներառյալ Ադրբեջանի հարձակողականության սրումը:
Հանդիպման մասնակիցները քննարկեցին նաեւ Սիրիահայերի ապահովությունն ու բարեկեցությունը, Հայաստանի Սահմանադրական բարեփոխումները, ԱՄՆ–Հայաստան տնտեսական կապերը՝ ներառյալ նոր, երկկողմանի Հարկային Պայմանագրի մասին եւ Հայոց Ցեղասպանության 100-րդ տարելիցը: