Միջազգային բուժքույրական համագումար Ստեփանակերտում
Արցախի Հանրապետության նախագահ Բակո Սահակյանը սեպտեմբերի 30-ին Ստեփանակերտի մշակույթի եւ երիտասարդության պալատում մասնակցել է միջազգային բուժքույրական համագումարի հանդիսավոր բացմանը:
Այնուհետեւ երկրի ղեկավարն իր նստավայրում ընդունել է համագումարի մի խումբ մասնակիցների:
Բակո Սահակյանը նշել է, որ նման ներկայացուցչական միջազգային համագումարի անցկացումը լավ հնարավորություն է բուժքույրերի մասնագիտական որակավորման բարձրացման, փորձի փոխանակման, այս ոլորտում նոր եւ ժամանակակից մեթոդներին ու միտումներին ծանոթանալու եւ դրանք տեղում կիրառելու տեսանկյուններից:
Հանդիպմանը մասնակցում էին ԼՂՀ առողջապահության նախարար Հարություն Քուշկյանը, պաշտոնատար այլ անձինք: