Արցախում Էլեկտրաէներգիան կթանկանա
Սեպտեմբերի 10-ին տեղի է ունեցել ԼՂՀ հանրային ծառայությունները և տնտեսական մրցակցությունը կարգավորող հանձնաժողովի հերթական նիստը: Ի պատասխան «Արցախէներգոյի» հոսանքը 7 դրամով վերանայելու հայտի՝ խորհուրդը տվեց իր համաձայնությունը: 35 կՎ և բարձր լարմամբ սնվող սպառողները հոկտեմբերի 12-ից 1 կՎտժ էլետրականության դիմաց պետք է վճարեն 40 դրամ՝ գործող 32.85 դրամի փոխարեն: Այժմ նույնքան են վճարում նաև 6(10) կՎ լարմամբ սնվող սպառողները:
Հոկտեմբերի12-ից նրանք վճարելու 46 դրամ: Էլեկտրականության ցերեկային սակագինը գործող 41.85 դրամից կդառնա 49 դրամ՝ 1 կիլովատտ ժամի դիմաց, գիշերային սակագինը՝ 44 դրամ/կՎտժ՝ նախկին 36.85 դրամի դիմաց:
«Tert.am» կայքին տված հարցազրույցի ընթացքում ԼՂՀ վարչապետն անդրադարձել է էլեկտրաէներգիայի սակագնի թանկացմանը եւ նշել. «Մեզ մոտ ավելի վատ է էլցանցերի վիճակը, քան Հայաստանում, որովհետև սպառման ծավալները շատ ավելի փոքր են, կորուստները` մեծ: Մենք, իհարկե, հետևում ենք, որ Ղարաբաղում տարվող սակագնային տարբերությունը չտարբերվի Հայաստանից»:
Ըստ վարչապետի՝ Արցախում ևս կառավարությունը սուբսիդավորելու է քաղաքացիների սպառած էլէներգիայի դիմաց հոսանքի սակագնի 7 դրամի տարբերությունը: