ԼՂՀ սանդա ուշուի առաջնություն Ստեփանակերտում
Հուլիսի 3-5-ը Ստեփանակերտում տեղի է ունեցել ԼՂՀ Ուշուի ֆեդերացիայի կողմից նախաձեռնված ԼՂՀ առաջնություն: Առաջնությանը մասնակցում էին 150 մարզիկներ, այդ թվում՝ ՀՀ-ի տարբեր մարզերից:
Առաջնության պաշտոնական բացումը տեղի է ունեցել հուլիսի 5-ին, որին ներկա էին ԼՂՀ ԱԺ <<Դաշնակցություն>> խմբակցության պատգամավորներ Ալյոշա Գաբրիելյանը, Լեռնիկ Հովհաննիսյանը, ԼՂՀ կրթության, գիտության և սպորտի նախարար Սլավա Ասրյանը, Հայ սև գոտիների ակադեմիայի հիմնադիր Կարապետ Քեբաբջյանը, ԼՂՀ Ուշու ֆեդերացիայի նախագահ Նարեկ Ամբարյանը, Շրջակա միջավայրի և բնապահպանության վարչության պետ Կ. Կարապետյանը, հրավիրյալներ:
Ֆեդերացիայի մարզչական խորհրդի կողմից շնորհակալագրերի են արժանացել Ս. Ասրյանը, Ն. Ամբարյանը, Կ. Քեբաբջյանը և Կ. Կարապետյանը՝ ֆեդերացիայի աշխատանքներում նշանակալից աջակցություն և ներդրում ունենալու համար: