«Շիրակ-Արցախ ՀԿ էքսպո 2015» ցուցահանդես Արցախում

Հուլիսի 3-4-ը Շուշիում տեղի է ունեցել <<Շիրակ-Արցախ ՀԿ էքսպո 2015 >> ցուսահանդեսը, որին մասնակցում էին ՀՀ Շիրակի մարզից ժամանած 10 ՀԿ-ների եւ ԼՂՀ -ում գործող  15  ՀԿ-ների ներկայացուցիչներ:

Ցուցահանդեսի կազմակերպմանը աջակցել են ՀՀ սպորտի և երիտասարդության հարցերի նախարարությունը, ԼՂՀ Մշակույթի և երտասարդության հարցերի նախարարությունը եւ Գյումրի քաղաքում գործող << ԼԵԳԱՏՈ>> երիտասարդական մշակութային ՀԿ-ն: Այն կրում էր <<Արցախի ՀԿ-ների կարողությունների հզորացումը՝ հանուն երիտասարդական հիմնախնդիրների լուծման>> խորագիրը:

Էքսպո-ցուցահանդեսի բացմանը ներկա էին ԼՂՀ ԱԺ նախագահ Աշոտ Ղուլյանը, ԼՂՀ Մշակույթի և երտասարդության հարցերի նախարար Նարինե Աղաբալյանը, «ԼԵԳԱՏՈ» երիտասարդական մշակութային ՀԿ նախագահ Արմինե Պետրոսյանը, նախարարության աշխատակիցներ և ՀԿ ներկայացուցիչներ:

ԼՂՀ ԱԺ նախագահ Ա. Ղուլյանը, ողջունելով ծրագրի կազմակերպիչներին և ներկաներին, կարևորել է նման հանդիպումները, անդրադարձել հասարակական կազմակերպությունների դերին ու նշանակությանը:

ԼՂՀ Մշակույթի և երտասարդության հարցերի նախարար Ն.Աղաբալյանը  նշել է, որ այդպիսի նախաձեռնությունները նպաստում են գիտակից և հայրենասեր քաղաքացիների ձևավորմանը:

Ծրագրի նպատակն է՝ նպաստել գործող ՀԿ-ների կարողությունների հզորացմանը, արդյունավետ մեխանիզմների մեջոցով լուծել Արցախի երիտասարդների հիմնախնդիրները և ստեղծել ՀԿ-ների փոխհամագործակցության ցանց:

ՀԿ-ների ներկայացուցիչները առանձին տաղավարներով, լուսանկարների, տեսահոլովակների, ձեռքի աշխատանքների միջոցով ներկայացրել են իրենց կազմակերպությունների նպատակներն ու աշխատաքները:

Էքսպո-ցուցահանդոսի ընթացքում տեղի ունեցան «Ռազմավարական պլանավորում», «Հաշվապահական հիմունքներ», «Համայնքային զարգացման ծրագրեր», «Դրամաշնորհային ծրագրերերի մշակում, գնահատում, ֆոնդահայթայթում» թեմաներով դասախոսություններ:

<< Մենք հաշվի ենք առել այն հանգամանքը, որ Հայաստանի Հասարակական կազմակերպությունները տեղյակ չեն, թե ինչ ծրագրեր են իրականացվում Արցախի ՀԿ-ները: Այս ծրագիրը նպաստելու է համագործակցության հարթակ ստեղծելուն և կկրի շարունական բնույթ՝ ինչպես հանդիպումների, այնպես էլ համացանցի միջոցով>>,- նշել է ծրագրի պատասխանատուն՝ Արա Մելիքջանյանը:

Նա խոստացավ նաև, որ կփորձեն ՀՀ ՀԿ-ներին տրամադրվող միջոցներով, որոշակի չափով, աջակցել Արցախի ՀԿ-ի զարգացմանը:

<<Արցախի ՀԿ-ների կարողությունների հզորացումը՝ հանուն երիտասարդական հիմնախնդիրների լուծման>> ծրագրի ավարտին մասնակիցներին հանձնվեցին վկայականներ: