ՀՅԴ ԱԵՄ-ի ներկայացուցիչը մասնակցել է Ընկերվարական երիտասարդների միջազգային միության (IUSY) համաշխարհային խորհրդաժողովին
2015 թ. մայիսի 8-9-ին Երևանում տեղի ունեցավ աշխարհի մեծագույն երիտասարդական, քաղաքական կազմակերպության` Ընկերվարական (սոցիալիստ) երիտասարդների միջազգային միության (IUSY) համաշխարհային խորհրդի ժողովը: Ժողովին մասնակցեց նաեւ ՀՅԴ ԱԵՄ անդամ Սուսաննա Մովսիսյանը: Ժողովն ընդունեց «Հայոց ցեղասպանության 100-րդ տարելիցի առթիվ» բանաձև:
Միջոցառման շրջանակներում Ս. Մովսիսյանը հանդիպել է YES (երիտասարդ եվրոպացի երիտասարդներ) կազմակերպության նախագահի հետ, ներկայացրել՝ մայիսի 3-ին Արցախում կայացած խորհրդարանական ընտրություններում ՀՅԴ Արցախի երիտասարդական միության ներգրավվածությունը՝ ընդգծելով, որ ԱԵՄ-ի ընկերներն ակտիվ մասնակցություն է ունեցել ընտրական գործընթացի կազմակերպական հարցերում՝ այդպիսով իրենց բաժին ներդրումն ունենալով Արցախում ժողովրդավարության սկզբունքներին համապատասխան ընտրությունների իրականացմանը: Ս. Մովսիսյանը խոսել են նաեւ Արցախի սահմանին հրադադարի պարբերաբար խախտման մասին: Սուսաննան մասնավորպես ընգծել է, որ այս կերպ խախտվում է հազարավոր մարդկանց ազատ եւ ապահով ապրելու իրավունքը:
Խորհրդաժողովի ընթացքում կայացել է նաեւ սեւծովյան տարածաշրջանի երկների երիտասարդ ներկայացուցիչների հանդիպում, որտեղ քննարկվել են տարածաշրջանում առկա մի շարք խնդիրներ:
Խորհրդաժողովում ընդունվեցին մի քանի բանաձեւ: ՀՅԴ երիտասարդականի կողմից ներկայացված «Հայոց ցեղասպանության 100-րդ տարելիցի առթիվ» բանաձևի քննարկումն անցավ ակտիվ մթնոլորտում: Մասնակիցները միաձայն ընդունեց առաջարկված բանաձեւը: